تقدمت الفنانة زينة بطلبين إلى النائب العام والمحامي العام لنيابات 6 أكتوبر، وذلك لسرعة الفصل في التحقيقات التي إجرتها نيابة 6 أكتوبر في واقعة تعرض إبنيها لهجوم من كلب شرس يمتلكه جارها، خلال لعبهما كرة القدم داخل ملعب كرة قدم بالشيخ زايد.
زينب تتقدم ببلاغ جديد للنائب العام في واقعة محمد الجارحي
وجاء في الطلب المقدم من الفنانة زينة إلي المحامي العام لنيابات 6 أكتوبر أنها حررت محضرا رقم 2282 لسنة 2025 إداري الشيخ زايد الثاني منها وبصفتها وصية على أولادها القصر (زين الدين أحمد عز وعز الدين أحمد عز)، ضد جارها وزوجته، و الحارس والحائز والمسئول عن الكلب المتسبب في جرح ابنها، وآخرين قد تسافر عنهم التحريات مشكو في حقهم.
وأوضحت زينة في طلبها أنه بتاريخ 1 يوليو تقدمت بطلبين الى النيابة المختصة أولا الادعاء مدنيًا قبل المشكو ضدهم بمبلغ 100 ألف جنيه على سبيل التعويض المدني المؤقت وثانيا طلب صورة رسمية من كافة أوراق القضية والمستندات، الا ان الطلبين تم رفضهما.
وطالبت زينة في الطلبين المقدمين منها الى إلى النائب العام والمحامى العام لنيابات 6 أكتوبر:
1- تمكينها من الادعاء المدني عن نفسها وبصفتها والدة الطفلين زين الدين وعز الدين احمد عز الدين ضد المشكو في حقهم عن نفسهم وبصفاتهم من اتخاذ إجراءات الادعاء المدني بمبلغ 100 ألف جنيه، كتعويض مؤقت عن الأضرار مادية وأدبية ومعنوية التي ترتبت على أفعال المشكو ضدهم غير المشروعة على سبيل التعويض المؤقت في أقرب وقت وعلى أي حالة كانت عليها الدعوى وقبل الانتهاء من التحقيقات.
2- التصريح للطالبة بسرعة استلام صورة رسمية من أوراق القضية والمرفقات والمستندات المودعة فيها حتى نتمكن من مباشرة الدفاع عن حقوق الشاكية وطفليها.
3- استعجال تنفيذ قرارات النيابة العامة تمهيداً لتقديم المشكو في حقهم للمحاكمة على ضوء التحقيقات عقب تنفيذ البندين الأول والثاني لتمكيينا من مباشرة حقوق الدفاع قبل التصرف في الأوراق.
وكانت زينة قد كشفت تفاصيل الواقعة قائلة” اللي حصل إن نزلت أولادي عند الملعب هو جنب البيت كان لوحدهم وسبتهم ورحت السوبر ماركت، فجأة لقيت تليفون ابني بيصوت الحقيني يا ماما فيه حد معاه كلب وانا اتعورت”.
وأضافت الفنانة زينة: بيقول لابني عاوز ألعب قاله تعالا نلعب مع بعض قاله لا دا أنا معايا ناس، قاله طب هعرف اخرجك إزاي وساب الكلب عليه، طبعا جيت جري لقيتهم في مكتب الأمن، وقالوا إن مشرف الأمن شاف الواقعة”.
وأوضحت: لقيت المشرف واقف وقولتله فيه أي قالي هو دا الواد اللي ساب الكلب على أولاد حضرتك، قولتله انت مين أو ابن مين قالي البيت اهو، قولتله وديني عند أمك، أي حد في الدنيا عنده كلاب مش بيخرج الكلب مع أولاد صغيرة”.
واستكملت الفنانة زينة: “الواد دخل البيت ولقيت واحدة طالعة بتشتم وانتي وانتي، قولتلها جيالك علشان أقولك اللي حصل، انتي جايه تعتدي علينا في بيتنا، وانا برا البيت، وجوزها بيسكت فيها وهي مش عاوزه تسكت”.
وأشارت: “المهم طلبت النجدة ووزارة الداخلية ما اتاخرتش وبعتوا كل حاجة لما عرفوا إن الموضوع كلب، وانا مش هستنى لما تحصل لابني حاجة، وعملت البلاغ والراجل قالي هروح اجيب الواد والناس والكلب ونطلع على القسم”.
وأكدت زينة: قولتله حاضر اتصلت على اخويا، لقيت 3 رجاله واقفين أنا النائب محمد الجارحي وانا النائب حسام الجارحي وانا النائب كذا، قولتله ليه النائب قبل الاسم، أنا بقول زينة مش الفنانة زينة”.
وأكملت الفنانة زينة حديثها عن الواقعة؛ قائلة: «اعتذروا للواد وقولتلهم الواد يعتذر للولد، قالولي مش بنطلع ولادنا أقسام، تحت نبقى نخليه يعتذر، وما اعرفش هو مين ولا ابن مين».
وتابعت،”الست نزلت من العربية اوعى يا آدم تعتذر، قولتلها هو اعتذر، قالتلي يعتذر لمين، وانتي مين، وفجأة اتحول المحضر إداري”.
وقالت زينة: واحنا في القسم لقيت إن وانا بقوله سيادة الرئيس مطلع قانون علشان الكلاب والأطفال قالي احنا اللى بنطلع القوانين، قولتله يعني بتعملوا القوانين دي علشان يطبق علينا كعامة الناس”.
