«اسكتوا وبصوا على الأرقام».. رسالة نارية من محمد طارق أضا لمنتقدي منتخب مصر

وجه الإعلامي محمد طارق أضا، رسالة لمنتقدي متخب مصر بعد التعادل مع إيران والتأهل للدور الـ32 من بطولة كأس العالم، قائلًا:«في ناس بتقول إحنا المفروض كنا كسبنا، وفي ناس بتقول مش مهم المهم أننا صعدنا، وفي ناس تانية بتقول أنه الماتش آخر ربع ساعة هرب مننا، ولكن عاوز أقولكم في مكاسب كتيرة جدًا حققها المنتخب الوطني».

وأضاف أضا خلال تقديمه برنامج “الماتش”، والمذاع على قناة صدى البلد، إن انتقاد المنتخب أمر طبيعي ولكن لا نبخسه حقه، ولكن الأهم في ناس تانية مش هنقبل منها أي انتقاد وهما عارفين، الناس اللي هتطلع تتفزلك أرجوكم اسكتوا، بصوا على أرقام لاعيبتنا ومنتخبان وانبسط.

وتابع: «اسكتوا وبصوا على الأرقام بس، في محمد هاني قدم مستوى مميز خلال البطولة، ولكن خلال مباراة إيران شارك في المباراة كاملة وسدد تسديدة واحدة، عمل 41 تمريرة صحيحة من أصل 43، نجح في استخلاص التحامات أرضية 7 من أصل 8، وكمان عمل 2 التحام هوائي من أصل 4، ونجح في إرسال 2 عرضية من أصل 3 عرضيات”.

ومن جانبه كشف الإعلامي إيهاب الكومي، عن سر تمسك حسام المدير الفني للمنتخب الوطني بمحمد هاني، قائلًا: «في مرة كنت بتكلم مع العميد بقوله اشمعنا محمد هاني متمسك بيه، قالي محمد هاني لاعب كبير أوي أوي، وكمان اللاعب تطور بمستوى ملحوظ وكبير، وفي المناسبات الكبيرة بيكون حاضر، والنهاردة حالة من الشد والجذب بين الكل، وخلينا ننتقد فنيا وعدم الخروج عن النص، حسام حسن حقق ما لم يحققه أي مدير للمنتخب في المشاركات الـ3 الماضية». https://www.youtube.com/watch?v=iuRsIBJFNVI