مصطفى زيكو ومحمود صابر اختراع حسام حسن

كشف الإعلامي أحمد موسى، أن منتخب مصر أصبح هجومي وليس دفاعي يعني زمان كنت تلاقي 9 لاعبين ولاعب واحد فقط قدام.

وتابع خلال تقديم برنامج على مسئوليتي، المذاع على قناة صدى البلد: الكابتن حسام حسن عامل خطة هجومية دفاعية، ورسالتي ليه عملت إنجاز كبير وشغل عالي وكمل يوم 3 يوليو المقبل قدام أستراليا وعاوزين نفرح.

وأردف الإعلامي أحمد موسى أن مصطفى زيكو ومحمود صابر اختراع حسام حسن، مين كان يعرفهم بينزلهم في مباريات كأس العالم وبيسجلوا أهداف، معلقًا: حمزة عبد الكريم كان هيسجل هدف بدماغه كان محتاج حد يرفعله كرة، وهيعمل كده في برشلونة والمباراة الجاية قدامه.

وواصل: محمد هاني ظهير أيمن عالمي متقدم، وياسر إبراهيم عمل إنقاذ المباراة وهو في الدقيقة الأخيرة من الوقت الضائع كانت هتسجل إيران جووول ولكن اللي أنقذها في الـ 6 ياردة ياسر إبراهيم بعدما قفل الكورة والجول ويستحق مكافأة على الكرة دي بس لأنه حولنا من مركز تالت لمركز تاني.

وأكمل: مينفعش حد يتكلم عن منتخب مصر لأنهم في مهمة وطنية، ومش لو عاوز تدعم بلاش نفسنة دلوقتي واركن على جمب، لأن دعم المنتخب فرض عين لأنه بيمثل بلدنا ويرفع اسمها.