هنكسب الأرجنتين بركلات الترجيح بإذن الله

أعرب الفنان سعد الصغير عن ثقته في قدرة منتخب مصر على تحقيق مفاجأة أمام الأرجنتين، مؤكدًا أن الفراعنة قادرون على التأهل إلى الدور المقبل.

سعد الصغير هنكسب الأرجنتين بركلات الترجيح بإذن الله

وقال سعد الصغير في تصريحات خاصة لـ«مصر تايمز»: «بدعاء الوالدين ودعاء المصريين كلهم، بإذن الله هنكسب الأرجنتين. أتوقع المباراة تنتهي 1-1، وبعدها نلعب ضربات جزاء، وإن شاء الله نفوز ونتأهل».

ووجّه سعد الصغير رسالة إلى الكابتن عفت نصار، بعد مطالبته برحيل المدير الفني حسام حسن في حال الخسارة أمام الأرجنتين، قائلًا: «الكابتن عفت نصار طالع بيقول لو خسرنا من الأرجنتين لازم حسام حسن يمشي ونجيب مدرب أجنبي يبني فريق كبير. وأنا عاوز أقوله: مفيش حد عاقل يقول الكلام ده».

وأضاف: «رئيس بلدنا قال إننا مش هنجيب مدربين أجانب، وكمان أحب أقول للكابتن عفت نصار إن منتخب مصر عمره ما وصل لدور الـ16 في كأس العالم، والإنجاز ده هنفضل نفتخر بيه سنين. حتى لو جبت أكبر مدربي العالم، مش سهل توصل للمرحلة دي».

وتابع: «يا ريت تتكلم في الكورة صح، لأن حسام حسن عمل إنجاز كبير. وإن شاء الله نكسب الأرجنتين، ولو ما كسبناش، فإحنا بفضل ربنا حققنا إنجازًا كبيرًا جدًا، وظهرنا بشكل مشرف، وبقى عندنا منتخب قوي ويقدم كرة جميلة».

واختتم سعد الصغير تصريحاته قائلًا: «أنا مع استمرار حسام حسن طبعًا، لأنك مش هتلاقي حد بيحب مصر زيه هو وإبراهيم حسن. وكابتن عفت نصار، أنا حاسس إنك مش بتتكلم عن منتخب مصر، كأنك بتتكلم عن منتخب تاني».