حرص السيناريست عمرو محمود ياسين على طمأنة جمهوره عقب الهزة الأرضية التي شعر بها عدد من المواطنين، مؤكدًا أنه حتى الآن لا توجد أي أخبار سيئة، معربًا عن أمله في أن تكون الأزمة قد مرت بسلام على الجميع.
اقرأ أيضا: من التخصيم الضريبي لـ«المؤثرين» لحجب +18.. خريطة مقترحات برلمانية لضبط السوشيال ميديا
انهيارات مزيفة
وكتب عمرو محمود ياسين في منشور له عبر حسابه الرسمي على موقع التواصل الاجتماعي “فيسبوك”، قال أن الهزات الارتدادية تكون عادة أقل حدة من الزلزال الرئيسي، مطالبًا بعدم الانسياق وراء الصور والمنشورات المتداولة التي تزعم انهيار مبانٍ، مضيفًا: “اما التنبيه اللي وصل لناس وناس لا فالمجد للاندرويد ولا عزاء لعبيد التفاحة اللي ماسكين ايفون.. تليفونك الايفون مش بيقولك اللي بتتصل بيه مع ويتنج ولا لا .. مستني منه يقولك خلي بالك في زلزال ؟ – بس مش مهم المهم ان في تفاحه في ضهر الموبايل”.
وأضاف عمرو محمود ياسين: “النقطة الأهم بقى.. هو الاندرويد مش بيتنبأ بالزلزال قبل حدوثه.. هو الزلزال بيكون بدأ بالفعل قرب مركزه لكن أندرويد بيحاول تحذير الناس البعيدين قبل ما توصل لهم الهزة القوية”.
وتابع عمرو محمود ياسين: “طيب الحكاية دي بتحصل ازاي ؟.. الفكرة بسيطة جدا معظم موبايلات أندرويد فيها حساس حركة اسمه Accelerometer لو في مجموعة كبيرة من الموبايلات في منطقة واحدة رصدت اهتزاز مشابه بتيجي باعته إشارات السيرفرات جوجل مع الموقع التقريبي .. طبعا جوجل مش بيعتمد على موبايل واحد لكن بيجمع بيانات عدد كبير من الموبايلات في المنطقة ويحللها عشان يعرف ده زلزال فعلا ولا ايه وفين وازاي ابتدى وايه قوته تقريبا”.
واستكمل عمرو محمود ياسين: “الاعتماد يبقى على أجهزة كثيرة عشان ما يبقاش الموضوع مجرد حادث عارض لأجهزه وقعت مثلا.. وبالطريقة دي بيحصل الموضوع بسرعه جدا و بيتبعت التحذير و ده أحيانا بيكون مفيد ويخليك تاخد حذرك.. وربنا يسترها علينا جميعا ويحفظ مصر”.
اقرأ أيضا: حالة الطقس اليوم
اقرأ أيضا: حرب وحصار وانهيار اقتصادي.. هل تقترب إيران من «الانفجار»؟ – أخبار السعودية
