عاجل| «بيبيعوا الشقق مرتين».. عملاء يحذرون من التعامل مع شركة سيتي إيدج

اشتكى وحذر عدد من عملاء سيتى إيدج، City Edge Developments، من الشركة خاصة فى الحي اللاتيني فى العلمين، مطالبين مجلس الوزراء ووزيرة الإسكان بالتدخل، خاصة بعد اكتشافهم تسليم الشركة للوحدات غير مطابقة للمواصفات.

وقال أحد العملاء المتضررين من شركة سيتي ايدج City Edge Developments: “سيتى ايدج بتسلم الشقق في الحى اللاتينى غير مطابقة للمواصفات وحرفيا شقق بتشطيب اقل من المساكن الشعبية و بيتم الضغط علي الملاك لقبول الوضع والتهرب من تعديل التشطيبات!”

وتابع: “سيتى ايدج City Edge Developments حصلت ودائع الصيانة من الملاك من سنتين وده مخالف للقانون والوديعة 10٪؜ من تمن الشقة و دي مبالغ كبيرة جدا، والحى اللاتينى تم تسليمه خرابه دون خدمات”.

واستطرد: مفيش خدمة إنترنت ، مفيش غاز طبيعي ، مفيش شواطىء للملاك ، مفيش شركة امن ، مفيش خدمات ، اعطال كهرباء و مايه و انقطاعهم مستمر ، طيب فين ودائع الصيانه الي تم تحصيلها و فين العقود الي تم الإخلال بيها .. ونتيجة الفساد و الإهمال ان النهاردة فجرا اتنين من عمال سيتى ايدج الموجودين في الموقع حاولو اقتحام شقة في وجود ملاكها بداخلها في زون 4 !!

وقال: شركة سيتي ايدج City Edge Developments شغالة نصب و نهب في الناس و كل الي بنشوفه من الجهاز جولات و صور و تهانى و فيديوهات علي السوشيال ميديا فيها اغانى حماسية و الواقع علي الارض ان الحى اللاتينى لا فيه امن ولا خدمات ولا شواطىء ولا في حد بيساعد السكان في حاجة !

وقال عميل آخر متضرر: بتبيع الوحدة مرتين وغش وتدليس لسلب الحقوق بدون عقاب من امن العقاب أساء الادب.. المهم بالنسبه لسيتى ايدج هو بس تجميع فلوس الصيانه الاول ومن غير اى مقابل لخدمات وصيانه وأمن وحراسه للمكان يعنى اللى فرش وحدته اجهزه واثاث يقلق من السرقه هما بس ساعه الشراء هيتعمل سور بوابه الكترونيه وفى الاخر باعوا لينا الوهم هما والدولة.