شاركت الفنانة بسنت شوقي جمهورها لحظات رومانسية جمعتها بزوجها الفنان محمد فراج، وذلك خلال الاستمتاع بأجازتهما الصيفية في سان فرانسيسكو بولاية كاليفورنيا.
لحظات رومانسية تجمع بسنت شوقي وزوجها محمد فراج في كاليفورنيا
وظهرت بسنت شوقي بإطلالة صيفية، وأجواء تملئها البهجة، وكتبت من خلال حسابها الرسمي عبر موقع تبادل الصور والفيديوهات القصيرة إنستجرام، قال: “يوم مشمس جميل في سان فرانسيسكو”.
وفي وقت سابق، حرص الفنان محمد فراج على الاحتفال بعيد ميلاد زوجته الفنانة بسنت شوقي، ووجه لها رسالة شكر وحب علي دعمها المستمر له، معربًا عن مدى حبه وامتنانه لها.
وكتب محمد فراج عبر حسابه الرسمي على موقع تبادل الصور والفيديوهات القصيرة إنستجرام، قال: “ماينفعش اقولك كل سنه وانتى طيبه قبل ما اقولك جوايا شكر و حب و اعتراف بالجميل و حاجات كتير ليكى”.
أضاف: إنتى طول عمرك معايا – بتنصحينى – بتوعينى – بتحبينى – مؤمنه بيا – سابقانى دايما بخطوه فى تفاصيل حياتنا الصراحه هى مش خطوه واحده هما كذا خطوه .. استحملتينى و استحملتى عصبيتى و قلقى و سخافاتى وقت الشغل و خصوصاً الفتره اللى فاتت واللى كان فيها الموج عالى قوى و مع ذلك بتبقى أول واحده تقولى براڤو عجبتنى”.
تابع: واخده بالك منى و ليكى فى كل خطوه أخدتها ربنا كرمنى فيها.. ليكى فى كل دور حلو أنا مثلته.. شايله همى و حِملى و حِملك و حِمل القطط و حاجات كتير كتير”.
وأختتم: أنا لو اتكلمت و حكيت من هنا لعيد ميلادك السنه الجايه والله مش كفايا تفتكرى بعد كل ده كلمتين حتى لو صادقين و من القلب يوفوكى حقك !!كل سنه وانتى احلى صوص بيدى طعم للحياة.. كل سنه وانتى حبيبتى.
