علقت الإعلامية لما جبريل على تعمد زوج نقل عدوى الإيدز لزوجته، في قصة مرعبة تصدرت السوشيال ميديا خلال اليومين الماضيين، وأثارت غضب المصريين.
لما جبريل تنصح الفتيات بعد واقعة نقل عدوى الإيدز
وقالت لما جبريل عبر فقرتها ببرنامج الحكاية التي تقدمها مع الإعلامي عمرو أديب: “جوزك المفروض يكون ضهرك.. مش يقسم ضهرك ويمرضك بمرض بشع .. قضية مرعبة لست مصرية اكتشفت إصابتها بمرض الإيدز.. ومين ياترى السبب؟ البيه جوزها وأهله.. لأن الباشا كان مصاب بالمرض ده من قبل الجواز نتيجة علاقة غير آمنة.. وبدل ما يتعالج أو يصارحها.. أهله قرروا إنهم لازم يجوزوه عشان يداروا على فضيحته وربنا يهديه والكلام ده كله.. وراحوا دبسوا بنت الناس معاهم”.
وأضافت لما جبريل: “الست بدأت تظهر عليها الأعراض بعد الحمل.. ولما راحت تحلل اكتشفت المصيبة.. أهله بدل ما يوطوا راسهم من الكسوف ويقول ياحيط دارينا.. حاولوا يضغطوا عليها بالفلوس والمساومة عشان تسكت ..لكن الزوجة رفضت تبيع صحتها وحقها.. وطلعت فوراً على النيابة العامة وبلغت.. وأثبتت بالدليل القاطع إنه كان عارف بمرضه ومتعمد ينقله ليها.. والحقيقة النيابة العامة والداخلية المصرية كعادتهم .. قبضوا عليه وأتوجه ليه تهم ممارسة الفجور وأنه تسبب في إصابة مراته بسبب إهماله”.
وتابعت لما جبريل: “ونصيحة لكل بنت وأهلها داخلين على جواز.. بلاش طيبة قلب وثقة عميا.. ونعمل الشهادات الطبية المضروبة اللي بتخلص بقرشين من تحت الترابيزة عشان نمشي الورق.. التحاليل الطبية قبل الجواز لازم تتعمل كاملة وبأمانة في جهات رسمية ومعتمدة.. وأديكم شايفين النتيجة .. وربنا يسترها علينا جميعًا”.
يذكر أن الإعلامية لما جبريل تقدم فقرة متخصصة في التريندات ببرنامج “الحكاية” مع الإعلامي عمرو أديب عبر قناة “إم بي سي مصر”، أسبوعيًا يومي الأحد والإثنين، وتتناول من خلالها ما يحدث على السوشيال ميديا، طوال الأسبوع وكيف يتفاعل معها الجمهور.
