علّقت الإعلامية ياسمين عز على أجواء امتحانات الثانوية العامة، وقدمت مجموعة من النصائح الساخرة لطلاب الثانوية العامة قبل امتحان اللغة الإنجليزية، وذلك خلال تقديمها برنامج «كلام الناس» المذاع عبر شاشة MBC مصر.
ياسمين عز تقدم مراجعة ساخرة لطلاب الثانوية
وقالت ياسمين عز: «هراجعلكم الإنجليزي قبل الامتحان.. الأول في الاختيارات شغل دماغك واتعامل بأسلوب شيل ده من ده يرتاح ده عن ده».
وأضافت، خلال حلقة اليوم من برنامج «كلام الناس» المذاع عبر شاشة إم بي سي مصر: «أولا أكتب اسمك ورقم جلوسك صح وسطر الورقة علشان تضمن 10 درجات نظام بيت المهمل بيخرب قبل الظالم.. و في الاختيارات استبعد اتنين علشان يتبقى اتنين ونكسب صلاة الزين.. واختار كل الأسئلة A علشان نضمن 50%».
وتابعت: «القطعة مش هنترجمها هننقش نفس الكلمة اللي في السؤال من القطعة غالبا هي دي الإجابة الصح في الأخر.. ولو السؤال في الماضي اختار إجابة يكون فيها الفعل أخره ed.. ولا بلاش نتكلم في الماضي الماضي كله جراح».
وواصلت: «السؤال عن أي المستقبل غير مستقبلك المبهم دور على will وابعد عن absolutely وnever أمسك في الكلمة المايصة بس.. أما في التعبير بلاش نكتب رسالة من عزيز مصر وأنت أصلا مش بتعرف تكتب أحفظ مقدمه واحدة تنفع لكل حاجة».
واختتمت: «اللوئة بتكون بـ don’t أو doesn’t.. وshe للبنت افتركيها بـ shein.. وللولد he زي هيهي اللي بتقوليها للواد باليل.. وفي النهاية مفيش يا مس ياسمين خلاص المذاكرة خلصت احفظ الفيديو لليلة الامتحان، أو للسنة الجاية في الملحق.. وكمان ياريت الفيديو ميوصلش للمصححين علشان محدش يغير أماكن الإجابات».
وفي السياق نفسه، علّقت ياسمين عز على ردود أفعال الطلاب بعد امتحاني الكيمياء والجغرافيا، قائلة: «امتحان الثانوية العامة الصبح.. بتوع الكيمياء بيعيطوا ومنهارين وبتوع الجغرافيا مزقطتين وبيشكروا الوزير طول عمرنا عارفين إن الكيمياء غدارة وملهاش أمان زي الرجالة والجغرافيا سهلة أصل الجغرافيا بتاعتنا الكيمياء مش بتاعتنا».
وأضافت: «في ٥ الحالات تعرضوا للإغماء واتنقلوا المستشفى أمال لما تتجوزي هتعملي ايه اجمدي ده ملحق مش حوار أمال لما تولدي هتعمل إيه.. ورسالة لوليات الأمور لو بتقفي لجوزك على باب الشغل ماسكه عمود الأكل زي ما بتعملي مع عيالك مكانش حد اتطلق في مصر أنت واقفة قدام اللجنة يعني حضرتك هتساعدي بنتك في الكيمياء إزاي ولا حضورك في الجغرافيا هيساعدها إزاي هتطلعي بدور تاني على السد العالي بنتك هي اللي هتجيبلك الدور التاني اقعدي في بيتك اللي ذاكر ذاكر».
