استغاثت سيدة بجهاز حماية المستهلك بعد تعرضها لحادث بسيارتها الجديدة هافال وتوكيل غبور ، وما وصفته من مماطلة للتوكيل.
وسردت السيدة شكوتها قائلة: اشتريت سيارة هافال 2026 وكانت ماشية 30 كيلو لما استلمتها وبعدين رخصتها فى شهر يونيو الماضي وروحت مشوار المطار العربية حكت فى الرصيف الإيرباج اتفتح والمقاصات اتكسرت.
وتابعت : قدمت للتوكيل قالولى هنبعت للصين وبعدها قالولى عايزين فيديو ليكي وقت الحادثة يعنى هسيب اللى أنا فيه وأصور فيديو وأنا بعمل الحادثة .. والتوكيل معملش حاجة فا أنا بستغيث بحماية المستهلك عايزة حقي.. عايزة لجنة من كلية الهندسة تفحص العربية بتاعتي”.
وتفاعل عدد كبير من المتابعين مع شكوى السيدة ، فقال متابع: توكيل غبور اسوء توكيل حرفيا”، وقال متابع اخر: ازاي العربيه الكوبلن بتاعها طلع من مكانه ثانيا حكه زي دي حتي لو سرعتك 40 ميعملش كده اخرها المقص يتلوح (يتعوج) بس العربيه فيها عيب صناعه واضح جدا وفي حاجه تانيه في حاجه اسمها تقرير استلام من المصنع ان العربيه جاهزه للبيع والاستخدام بيبقا طالع من المعرض او الوكيل لو مش موجود يبقي فيه مشكله كبيره في العربيه ومحتاجه تعملي تقرير فني من جهاز حمايه المستخدم هيشكلو لجنه فنيه من كليه هندسه اساتذه ميكانيكه وانشاء الله ربنا يعوضك.
